في لحظات كتير بنفتكر ان الصمت مجرد سكون بس مع الوقت بنكتشف انه الابواب اللي ما اتفتحتش والكلام اللي اتحبس جوا وفضل يزن في الروح لحد ما بقى طعم مر في اخر اللسان ومع كل تجربه بنتعلم ان الوجع ما بيجيش مره واحده لكنه بينقط نقط لحد ما يغرقك وبنحاول نهرب بس بنرجع نلاقي نفسنا واقفين قدام نفس السؤال هو احنا فعلا اتولدنا علشان نفضل نقاوم ولا علشان
نلاقي لحظه سلام نعرف فيها نرتاح ونحس ان الدنيا لسه فيها حاجه تستاهل وفي عز الزحمه بنشوف ناس بتعدي ناس بتجري وناس بتتوه واحنا بينهم بندور على مكان يشبه قلوبنا مكان ما يطلبش مننا نغير ملامحنا ولا نخفي وجعنا ولا ندعي القوه واحنا مش قادرين ووسط كل ده بنكتشف ان الانسان مش محتاج كتير هو محتاج كلمه صادقه حضن ما يغدرش عين تعرف تشوفه من
غير ما يحكي ومحتاج يعرف ان تعبه مش رايح هدر وان كل يوم عدى محمل بالحزن كان بيبني فيه جزء جديد اقوى واعقل واهدى ومع كل سقوط بنتعلم نقوم ومع كل خذلان بنتعلم نعرف مين معانا بجد ومين كان مجرد عابر وفي اخر الليل لما بنسرح ونفكر في اللي فات بنلاقي ان اكتر حاجه كانت بتنقذنا اننا صدقنا نفسنا مش الناس واننا اخترنا نكمل رغم كل اللي وقع واننا ادينا للدنيا كتير
وفضلنا قاعدين نستنى اللي يستاهل قلبنا ولحد ما اليوم ده ييجي هنفضل ماشيين على مهلنا بنجمع نفسنا من جديد ونكتب حكاياتنا من غير خوف ونقول للدنيا مهما قلبت ومهما جرحت مش هتكسر الروح اللي اتعودت تقوم ومهما اتاخد منا ومهما اتسرق مننا هنفضل واقفين لان اللي اتعلمناه جوه الطريق اقوى من اي حاجه ممكن تكسرنا
