الرحلة التي تبدأ بدون خريطة
بقلم/ناني عادل
في حياة الانسان ساعات بيلاقي نفسه في مكان جديد مكان ما لهش عنوان ولا طريق محدد مكان لازم يمشي فيه من غير دليل ومن غير علامات طريق الرحلة دي مش اختيارية مش خطأ مش صدفة هي ببساطة حصلت فجأة وفجأة كأن الدنيا قررت انه يمشي خطوة وما يقدرش يرجع ولا يتراجع
الرحلة اللي تبدأ بدون خريطة صعبة ومرعبة لكن فيها جمال غريب جمال مش واضح للعين لكنها تظهر جوه القلب في كل مرة يتحرك فيها الانسان خطوة واحدة في طريقه الجديد كل خطوة تعلمه حاجة كل خطوة تكشف له جزء من نفسه كل خطوة توريه ان الخوف اللي كان شايله مش اسمه خوف لكن كان حماية لنفسه من نفسه
والغريب ان الانسان في الرحلة دي مش محتاج يكون قوي قدام الناس مش محتاج يعرف الجميع خطوته مش محتاج يثبت لحد انه على صواب كل اللي محتاجه انه صادق مع نفسه وما يتهربش من اللي جواه يواجه كل لحظة زي ما هي ويكمل بدون توقعات
وفي الرحلة دي يبدأ الانسان يسمع صمت الطريق يسمع همس خطواته يسمع نبرة قلبه ويكتشف انه كان فاكر انه ما يعرفش يمشي من غير خريطة لكنه اكتشف انه كان عنده كل ما يلزمه جواه كل الاجابات اللي كان بيدور عليها كانت موجودة في صمته وفي قراراته الصغيرة وفي قدرته انه يقف ويكمل رغم كل شيء
والأجمل ان الرحلة اللي تبدأ بدون خريطة هي الرحلة الوحيدة اللي بتعلم الانسان انه مش كل الطرق لها علامات مش كل الناس لها نوايا صافية مش كل الامور واضحة لكن الانسان قادر يتقدم ويعرف يختار طريقه بنفسه يعرف يقيم خطواته بدون ما يتأثر باللي حواليه يعرف انه ممكن يكون تائه لكن كل يوم خطوة هتوصله
الرحلة اللي بدأت بدون خريطة الانسان يكتشف انه مش نفس الشخص اللي بدأ نفس الروح نفس القلب نفس العيون لكن بقيت اقوى اهدأ واعقل واعرف قيمة كل خطوة مش عشان اتعلم حاجة جديدة عن الدنيا بس عشان اتعلم حاجة جديدة عن نفسه
