بوح مخفي
بقلم/نشأت البسيوني
في أعماق كل إنسان بيتخبّى بوح مخفي مش اللي الناس بتشوفه ولا اللي بيتقال أحيانا بيكون مجرد شعور صامت بيستنى اللحظة المناسبة علشان يطلع ممكن يكون خوف أو حزن أو حنين أو حتى فرح مكبوت بيترجم نفسه في نظرة صمت أو ابتسامة هادئة أو دمعة ماحدش شافها
الوح ده بيظهر لما نوقف مع نفسنا من غير ما نشتت بالمهام أو الضوضاء بيخلينا نواجه كل اللي حاولنا ندفنه من أيام من مواقف من علاقات من كلام اتقال وما اتفهمش بيكشف جوانا الأشياء اللي كنا متجاهلينها كأننا نكتشف خريطة لمكان جوا قلبنا عمره ما حد دخل عليه قبل كده
ومع الوقت نلاقي إن البوح المخفي مش ضعف ولا هروب بالعكس هو وسيلة لفهم النفس بطريقة أعمق لأنه بيخلينا نعرف حدودنا قدراتنا مشاعرنا ونكتشف إن الشجاعة مش بس في المواجهة مع العالم لكن قبل أي حاجة في القدرة على مواجهة أنفسنا بصدق وشفافية
وبكل كلمة صامتة أو نظرة مطولة أو دمعة نادرة بنتعلم نرتب أفكارنا ونفهم احتياجاتنا ونبدأ نقرر مين اللي محتاجينه في حياتنا ومين اللي لازم نمشي من غيره ونلاقي طريقنا نكتشف إن البوح المخفي كان دايمًا موجود بس إحنا محتاجين نسمع نفسنا
ندرك إن أي بوح صامت نسمعه جوا نفسنا هو بداية صداقة جديدة مع الروح مع الذات مع اللحظة اللي احنا فيها وبنكتشف إن الحقيقة اللي بتتولد من الصمت هي أعمق وأقوى من أي كلام ممكن حد يقولوا علينا
