اثر غائب
بقلم/نشأت البسيوني
في لحظات كتير تحس إن في حاجه مش مفهومه سايبه أثرها جواك من غير ما يكون ليها ملامح واضحه ولا سبب مباشر يمكن تكون ذكرى مالهاش صورة محدده أو موقف عدى بسرعه لكن فضلت رواسبه تشدك كل ما تهدى الدنيا حواليك وتلاقي نفسك بتفكر في حاجه انت مش متأكد هي كانت فقد ولا كانت بدايه لحاجه ما تمتشي الأثر ده بيظهر فجأة يمكن وانت ماشي في شارع
قديم أو وانت بتسمع صوت عابر أو حتى لما تلمح وش حد ما تعرفهوش لكن يفتح باب من جواك كنت قافله من زمان وتقول لنفسك الغريب ليه الحاجات اللي انتهت بتفضل جوه كأنها لسه موجوده وليه اللي غاب بيفضل أحيانا أقرب من اللي حواليك دلوقتي وتبدأ تسأل هو احنا بنفتقد الأشخاص ولا بنفتقد الإحساس اللي كانوا بيسيبوه فينا ويمكن هو ده سبب إنك ساعات تتعلق
بحاجه ما لهاش شكل ولا اسم مجرد إحساس عدى وساب ورائه فراغ صغير ما اتملأش أبدا ومع الوقت تتعلم إن مش كل غياب لازم يزعلك وإن مش كل أثر لازم يكون موجع لأن في آثار بتفضل لتفكرك انك اتغيرت وإنك كنت شخص قبل الوقت ده وبقيت شخص بعده وإن كل حاجه مرت عليك حتى لو ما كنتش واخد بالك ساهمت في بناء جزء منك وتلاقي نفسك بتتقبل إن في حاجه
راحت لكنها علمتك وفي حاجه اختفت لكنها نضجتك وفي حاجه ماكملتش لكنها خلتك تبص للحياه بشكل اوضح وكل ده يخليك تفهم إن الأثر اللي كان عامل لك قلق ما كانش لغز لكن كان دليل إنك عايش وإنك مش بارد تجاه الدنيا زي ما كنت فاكر وفي الآخر تكتشف إن الأثر الغايب مش غايب أصلا هو موجود جوه خطواتك في اختياراتك في طريقك اللي ماشيه دلوقتي يمكن مش ظاهر لكن تأثيره هو اللي بيكوّن جزء من الحياه اللي انت عايشها من غير ما تحس
