في وقت بقى فيه النجاح الحقيقي نادر، قليل لما تلاقي شخص يقدر يجمع بين الطموح، الثقافة، الوعي، وحب الخير للناس بالشكل ده.. وعلشان كده حبيت أتكلم بكل فخر عن صديقي المبرمج والكاتب أحمد صابر سعيد.
أحمد قدر في سن صغير يعمل اسم محترم جدًا وسط الناس، وده مكانش مجرد حظ أو صدفة، لكنه نتيجة تعب واجتهاد وسعي مستمر إنه يطور من نفسه ويكون شخص له تأثير حقيقي في المجتمع.
ومؤخرًا تم الإعلان عن طباعة النسخة الثانية من كتابه “حب الخير للغير وفن التعامل مع المريض النفسي”، بعد النجاح والاهتمام الكبير اللي حققته النسخة الأولى، وده دليل واضح إن الرسالة اللي بيقدمها وصلت لناس كتير وقدرت تلمس عقول وقلوب ناس فعلًا.
اللي يخليني فخور بيه أكتر إن أحمد مش بيدور على نجاح لنفسه وبس، لكنه دايمًا عنده رغبة حقيقية إنه يفيد الناس وينشر الوعي والنصائح المفيدة والطاقة الإيجابية، وده شيء نادر جدًا في الزمن ده.
وعن قرب شديد أقدر أقول إن أحمد من الشخصيات اللي تستحق كل الدعم والاحترام، لأنه اختار يكون شخص يسيب أثر كويس في حياة الناس، وده في حد ذاته إنجاز أكبر من أي نجاح عادي.
كل الفخر بصاحبي أحمد صابر سعيد.. ولسه اللي جاي أكبر بإذن الله.
