لسه فيك كتير
بقلم/نشأت البسيوني
في وقت معين الانسان يصدق انه وصل لآخره يصدق ان طاقته خلصت وان صبره زهق وان ثقته في نفسه بقت على الحافة لكن الحقيقة اعمق من كده بكتير الانسان جواه مساحات ما لمسهاش لسه وجواه قوة ما جربهاش لسه وجواه ابواب ما فتحهاش لسه وجواه احتمالات اكبر من اللي شافها واوسع من اللي تخيلها واقدر من كل اللي فاكره عن نفسه لان اللي جوه الانسان مش نهاية اللي جوه بداية بداية لرحلة كانت مستنيا لحظة واحدة بس لحظة يفوق فيها ويصدق انه يستاهل اكتر من اللي اتفرض عليه واكبر من اللي اتقال له وافضل من اللي اتوقعوه منه لما الانسان يبص لنفسه صح مش بنظرة حد ولا بكلمة حد يبص بنظرة صادقة تبين له انه اتظلم كتير واتهز كتير واتكسرت جوانب جواه كتير لكن رغم كل ده لسه واقف واقف بجزء من قلبه لسه عايش واقف بجزء من عقله لسه فاكر واقف بروحه اللي مهما اتخنقت عمرها ما اتسلم روحه اللي بتقول له كل يوم لسه فيك كتير لسه فيك حلم ما تحققش ولسه فيك خطوة ما اتاخدتش ولسه فيك طاقة كانت مستخبية ولسه فيك قدرة كانت مستنيا اللحظة المناسبة تطلع الانسان اللي يعرف ان لسه فيه كتير ما يخافش من البدايات ولا من التغيير ولا من الهزيمة لان الهزيمة مش نهاية الهزيمة بداية لحد تاني اقوى وافهم وادق وكل مرة بيقع فيها يكتشف طبقة جديدة من روحه طبقة اقوى من اللي قبلها ولما يجمع طبقاته كلها يطلع بصورته الحقيقية مش صورة الناس عنه ولا صورة الظروف له صورة هو اللي شكلها بإيده وباختياراته وبصبره والشخص اللي يوصل للصورة دي خلاص ما يرجعش زي زمان وما يتأثرش بكلمة حد ولا يشيل هم مقارنة ولا يعيش في ظل توقعات لان اللي يعرف قيمته من جوه مستحيل يبيعها من بره وفي النهاية لسه فيك كتير اكتر من اللي شفته واكبر من اللي عشته واعلى من اللي افتكرته عن نفسك ويمكن اللحظة اللي مستنيها تكون اقرب مما تتوقع ويمكن الطريق اللي خايف تمشيه يكون هو الطريق اللي هيتولد فيه كل اللي لسه جواك ومستني يطلع للنور
