تِك لايف” على قناة النهار: برنامج مبتكر وحلقاته مميزة مع الإعلامي فاروق سالم

3٬457 2 دقائق

قدم الإعلامي المصري فاروق سالم فكرة جديدة على قناة النهار ببرنامج “تِك لايف”، واللي بقى واحد من أهم البرامج اللي بتتابع التطورات في كل المجالات وتأثير التكنولوجيا والذكاء الاصطناعي بشكل عملي وسلس. البرنامج مش بس بيقدّم معلومات عن التكنولوجيا، لكنه كمان بيوضح إزاي التطورات دي بتأثر على حياتنا اليومية والشغل، سواء في التجارة، الصناعة ،الصحة، والفن ،والرياضة أو كمان ريادة الأعمال والمجالات الجديدة

في حلقة مثيرة عن الموسيقى وسبب انتشار أغاني المهرجانات وتغيير الذوق العام ، البرنامج ناقش إزاي التكنولوجيا غيّرت طريقة انتشار الأغاني، واستضاف البرنامج خبراء في المجال ومنتجين وحكوا عن تأثير منصات البث الرقمي زي يوتيوب وتيك توك على انتشار الأغاني بين الشباب. الحلقة دي وضّحت قد إيه التكنولوجيا غيرت صناعة الموسيقى بالكامل، وكمان عرضت أدوات التسويق الرقمي اللي بيسوق بيها الفنانين أعمالهم.

حلقة تانية ركّزت على الطب والذكاء الاصطناعي والجراحات بالروبوت والأطراف الصناعية الذكية. هنا البرنامج استضاف مستشار وزير الصحة ، وتم شرح إزاي الذكاء الاصطناعي بيستخدم في التشخيص المبكر للمرضى، والجراحات بالروبوت بقت تساعد الأطباء يعملوا عمليات دقيقة جدًا مع تقليل الأخطاء وفترة التعافي، وكمان الأطراف الصناعية الذكية بقت أقرب للطبيعية وبتساعد الناس على أداء حياتهم اليومية بشكل طبيعي.

حلقة اخرى تناولت تطورات قطاع الأمن والأجهزة الأمنية في مصر واستخدام تقنيات التكنولوجيا الحديثة في سرعة اكتشاف الجريمة وتسهيل العملية الأمنية في حضور مساعد وزير الداخلية الأسبق لواء/ خالد العوادلي

وبين الحلقات دي كلها، ظهر دور فاروق سالم الإعلامي بشكل واضح. هو مش بس بيقدّم المعلومات، لكنه كمان بيخليها سهلة على المشاهد يفهمها، وبيربطها بخبراته في مجال الهندسة بكونه مهندس اتصالات اضافةً لمهارات في التدريب وريادة الأعمال والتسويق. ده خلى كل حلقة مش بس مفيدة، لكن كمان عملية، وبتفهم المشاهد إزاي يقدر يستفيد من التكنولوجيا في شغله وحياته.

برنامج “تِك لايف” كمان بيهتم بتنوع المواضيع وجودة الحلقات، وكل حلقة فيها أمثلة حقيقية وتجارب واقعية في كل المجالات . ده بيخلي البرنامج مش مجرد كلام نظري، لكن تجربة مشاهدة تفاعلية وواقعية، وبيقدّم محتوى موثوق وسلس في نفس الوقت.

في النهاية، “تِك لايف” أصبح نموذج إعلامي ناجح في مصر، برنامج بيقدّم تكنولوجيا، تحليل، وتطبيق عملي بطريقة سلسة وسهلة على الجمهور، وبيأكد نجاح فاروق سالم كإعلامي قادر على تقديم فكرة مبتكرة وإدارة حلقات عالية الجودة، في وقت التكنولوجيا أصبحت مؤثرة في كل نواحي الحياة غير انها بتتطور بسرعة كبيرة

اقراء ايضا مقالة الاعلامي فاروق سالم خلال الجرائد التالية

القاهرة تايمز

https://alqaheratimes.com/294460/

نجوم العرب